Escola de Educación Infantil Vagalume

Os/as nenos/as admitidos no vindeiro curso 2007-08 teñen que vir a confirmala matrícula a E.E.I Vagalume do día 20 ao 30 do presente mes de 9:30 a 13:00.

Estes días son moitos os mestres/as que se adican en corpo e alma a preparalas súas oposicións.Estudialo temario, deséñalas programacións e ter todo a punto para a vindeira semana.Para eles/as vai esta presentación do uso das TIC en Infantil que esperemos  que vos poida axudar.

Boa sorte e moito animo dende o Vagalume.

Mañán os nenos/as de 5 anos recibirán o seu certificado acredidanto o estudo do inglés durante estes tres anos que levan no Vagalume.

A E.E.I Vagalume ven  participando dende fai tempo no Proxecto de anticipación da lingua extranxeira e isto e un xeito de celebrar que os nenos/as rematen o sue ciclo no centro.

Noraboa a todos/as por participar!

Esta semana rematamos o curso e é hora de facer valoracións. Moitos meses xuntos traballando, xogando, compartindo experiencias...pero en xuño pechamos o centro e recollémolos bártulos. Uns veñen outros marchan pero o cole segue funcionando ca mesma ilusión co primeiro día.Estes son días especiais de despedidas, carpetas, ficheiros e bicos cheos de cariño a tódolos/as nenos/as e pais/nais que pasaron este ano con nós.

A experiencia do blog segue aberta para que calqueira que se anime poda tomala testemuña e continuar intentando achegar o centro os fogares e viceversa. O fin deste proxecto foi contactar con toda a comunidade educativa facéndolles participes das novas, actualidade e actividades que xurdiron entorno ó noso traballo e labor diaria.As veces con maior ou menor éxito intentamos poñer unha ponte entre o mundo virtual e as persoas involucradas na actividade educativa reflexionando xuntos sobre os temas que como educadores nos preocupan. De seguro que o vindeiro ano melloraranse moitas cousas que este ano quedaron no tinteiro. Esas miles de cousas que os mestres/as gardamos na cabeciña pensando en facer algún día ou que os pais/nais farán se conseguen sentir estas aulas como súas.

As tarefas, excursións, os proxectos, as novas tecnoloxías, os cambios... non teñen cabida senón coa participación activa de TODOS/AS os que conformamos o entramado educativo, que lle da sentido o noso traballo.Deixamos este vídeo para aqueles que queiran reflexionar sobre o futuro, sobre a súa implicación e sobre todo para aqueles/as que viven a experiencia de ser mestres/as ou pais/nais como unha vocación que non remata nunca e da que seguimos aprendendo tódolos días.

Moitas gracias pola axuda,colaboración e seguimento. Moitas gracias por darlle sentido a este humilde pero entusiasta proxecto.