Escola de Educación Infantil Vagalume

O pasado domingo día 22, os nosos nenos foron protagonistas dunha das noticias do Diario de Arousa, sendo fotografados no noso magosto, e saindo espectacularmente guapos.

Próximamente publicaremos todas as fotos do magosto no blog para que poidades disfrutar delas.

O venres visitounos no cole o mago Christian Magic. Pasámolo xenial, quedámonos mudos cando nos sorprendía con cada un dos seus trucos de maxia. Mirade as fotos e veredes as caras de asombrados que teñen os nen@s.

Foi estupendo, cando levantou a mesa do chan, cando cambiaba os discos de cores sen tocalos, cando desaparecían os debuxos do libro máxico, ...

Incluso puxo a proba ás profes máis incrédulas.

Temos que darlle as grazas á Editorial Everest, que nos trouxo a este mago tan xenial de forma gratuita.

O mércores 18 de Novembro, os nenos do nivel de 4 anos, realizamos unha actividade cos froitos do outono, para recoñecer a importancia dunha boa alimentación para o noso desenvolvemento e crecemento.

Así, recoñecemos froitos carnosos, como o kiwi, a mandarina, as uvas, os kakis e as granadas. E ademais, identificamos os distintos froitos secos que a continuación probamos como foron: as noces, as avelás, as améndoas e as castañas.

Houbo algúns froitos, que moitos nenos descubriron nese día como foi o caso dos kakis e a granada. Case tódolos nenos fixeron unha cata con tódolos froitos, polo que un dos obxectivos programados, que era que os nenos tiveran a curiosidade de probar, sobre todo aqueles produtos descoñecidos para eles, foi todo un éxito.

As titoras mostrámonos moi satisfeitas co resultado da actividade.

Recordámosvos que mañá, xoves, celebraremos o magosto no cole, ó que, como xa sabedes, estades todos invitados. Pedirvos a vosa colaboración pedíndovos que todas aquelas castañas que traiades que, se podedes, veñan cortadas.

Un saúdo e que mañá disfrutedes da festa.

O pasado xoves fumos ó Liceo de Vilagarcía a disfrutar dunha fermosa obra de teatro a cargo de Caramuxo, titulada: GLUB- GLUB. Trataba dun barco que se afundiu no fondo do mar, coñecendo a numerosos animais: estreliñas de mar, polbos, peixes,..., e que foi salvado por un peixe chamado Glub- Glub, que foi o que lle axudou a subir á superficie, polo que todos nos puxemos moi contentos.

Estivo xenial, asi que esperamos que pronto poidamos volver de excursión.

Coma tódolos anos presentamos un mural relacionado cos cogumelos á Asociación Micolóxica Cantarela. Este curso decidimos relacionar o tema da vendima cos cogumelos, dando como resultado un mural extraordinario.

No mes de Outubro celebramos no cole os aniversarios dos nenos que a continuación vos amoso. Estaban guapísimos e sobre todo moi felices e contentos. Moitas felicidades para todos!!!!!!!!!!!!!!

Aquí tedes as fotos da última festa celebrada no cole: o Samaín- Halloween. Este ano contamos coa presenza de bruxas, vampiros, magos, fadas arañas, cabazas,...

A verdade é que o pasamos xenial coa festa, decorando, co conto que nos contou unha bruxa que falaba en inglés, e cantando a canción diante dos papás e mamás.

Informámosvos que últimamente detectamos certos problemas técnicos dentro do blog, desaparecendo  artigos anteriormente publicados. Dende o  cole pedímosvos desculpas polas molestias.

Temos que dar a benvida á estación do OUTONO. Xa está aquí, xa chegou, cos seus cambios: caída das follas, aparición dos cogumelos, cambio de cores, castañas, noces, a vendima... En fin, unha morea de acontecementos que dan comezo a outra etapa do curso con moitas actividades e festas: Cantarela, festa do magosto, Samaín e Halloween... das que xa vos iremos informando dende este blog.

Un saúdo dende o Claustro do Vagalume.

Moitas grazas a todos os vagalumiños e vagalumiñas que participaron na festa dos maios do concello e que cantaron as coplas, xa que obsequiaron á escola cuns fermosísimos agasallos dos que xa empezastes a disfrutar no patio da escola. Todo un detalle!

Moitísimas grazas e un saúdo!

O pasado venres, 17 de abril, os nenos e nenas de 4 anos fomos de excursión ó Museo Provincial de Pontevedra. Pasámolo moi ben e aprendemos moitas cousas interesantes sobre o noso pasado. Quizais as maquetas de barcos foron unhas das cousas que máis nos gustaron. Foi moi emocionante cando visitamos a reprodución dun camarote de barco e puidemos comprobar como parecía que se movía.

Fixemos tantas fotos que van aparecer en tres partes. Aquí tedes algunhas, para comprobar por vós mesmos todas as marabillas que esconde este museo. Un saúdo!

O pasado mércores, 1 de abril, os nenos e nenas de 4 e 5 anos do Vagalume asistimos a unha representación no Auditorio, titulada Escenas musicais e organizada por Caixanova. Pasámolo en grande e aquí tedes algunhas fotos da "mini-excursión". Un saúdo para todos e todas!

Yago, Calista, Noela, Xan e Laura estiveron de aniversario no 2º trimestre e, por iso, todos os nenos e nenas da clase de Puri disfrutaron dunha gran festa onte, día 3 de abril. Aquí tedes as fotos. Parabéns a todos e todas!

Estas son as fotos dos nenos e nenas que cumpliron anos no 2º trimestre: Paula, Néstor, Ángela, Lucía, Diego, Laura e Gabriel B. Parabéns a todos (e seguro que o pasastes moi ben na festa)!